張名雅認有喜:我老公好勁一擊即中!

20161102
東網電視
更多新聞短片
恭喜晒!

前港姐冠軍張名雅早前成婚,當時由籌備婚禮至結婚過程迅速,被指已懷孕的她當時否認傳聞,不過名雅今日就喺微博暗示有喜,而當她接受《東網》電話訪問時雖未肯透露懷孕多久,但也直認有喜,並說:「一路準備結婚嗰陣,我哋都有共識想早啲生,咁樣冇代溝。(結婚嗰陣已經有咗?)其實我經期一向都準,係選港姐嗰陣有三個月冇嚟,唔知係唔係因為緊張,搞婚禮嗰排好忙,唔知係咪咁所以遲咗,但忙於婚禮所以又冇發現。」未肯講何時懷孕的她就繼續帶記者遊花園,只謂與家人商量過後決定公開喜訊,又否認因未夠三個月而不公開懷孕幾耐,只想與老公留有一點私隱。

讚老公好勁

而問到是否婚前已不設防,名雅聞言即謂:「咁都可以咁講嘅,總之我哋認定咗大家已經有呢個計劃啦,唯一可以講嘅係,我老公好勁,一擊即中!」談到預產期是何時?她謂:「起碼都出年啦。(仔定女?)未有咁快知呀。(香港生?)我自己溫哥華返嚟,可能係溫哥華生,暫時未決定。」
__________________________

想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon