老公身處異地冇得造人？楊怡甜笑：隨緣

藝人楊怡單拖現身演藝學院欣賞舞台劇《偶然·徐志摩》，她透露老公羅仲謙身在內地拍電影，故未能一同前來：「尋晚先玩完FaceTime。（幾耐冇見？）個幾星期。（阻礙造人計劃？）大家都好關心，隨緣啦。（佢拍到幾時？）月尾，中間都唔會返嚟。（會唔會去探班？）原本諗住去，不過嚟緊有個舞台劇要綵排，所以今日特登嚟偷師！」

楊怡表示有份演出的舞台劇《我和春天有個約會》將於1月上演，身為視后級的她坦言表示首次做舞台劇，坦言十分緊張：「有輕微嘅跳舞同唱歌，暫時未清楚開幾多場，睇到時反應熱唔熱烈。」記者指他們工作繁忙，問到暫時是否要避孕？她笑言：「避人？避開啲人！都係嗰句，隨緣，同埋謙仔都唔喺香港。」