同拍劇一樣　龔嘉欣曾遇過賤男出軌

藝人龔嘉欣於無綫劇集《幕後玩家》中飾演黃宗澤（Bosco）的太太，劇中育有一位囡囡。首次飾演媽媽的她，笑謂在劇中要比平時更溫柔。談到劇中Bosco多次背妻偷食，女友一籮籮，她則要「扮唔知」，她直認現實中曾有一段感情是男方出軌，但她未有大吵大鬧，並選擇離開，她說：「有陣時係個天要畀你知，試過睇到一啲訊息，一睇就知男友同嗰位女仔嘅關係唔係朋友咁簡單，連I Love You都有講。問佢，佢選擇唔認，咁我就選擇走！」記者多次追問該前男友是否圈中人，但龔嘉欣封口未肯透露，只肯表示事件是令她成長的其中一個經歷!

還未想到要踏入婚姻及生兒育女的她，今次飾演媽媽後有另一番體會，她說：「初初都驚，同小朋友拍戲係難嘅，但呢個妹妹真係好乖，戲裏戲外佢都叫我做媽咪，好似一家人咁sweet！」談到Bosco劇中偷食，嘉欣謂若在婚姻中遇到這些事，必須雙方坐低慢慢傾：「我唔會扮唔知，亦唔會發難，結咗婚要顧慮嘅嘢多咗，仲要睇吓有冇小朋友，當然係會嬲，但都要了解發生咩事！」

單身幾年的她一直被催拍拖，雖然緋聞男友為數不少，但她表示都只是新聞，又笑指自己「Dry到唇都裂」。不過她表示未有急着找男友，暫時只想專心工作。

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon