【咁大膽？】張智霖扮惡版袁詠儀被鬧

藝人張智霖（Chilam）與太太袁詠儀（靚靚）夫妻檔為內地綜藝節目《一年級．畢業季》化身星級導師，今次二人與內地演員陳建斌各自帶領學員展開辯論比賽，學員需模仿指定藝人進行辯論，其中一位指定被模仿對象就是Chilam。

Chilam以經典的「Cool魔」造型亮相，更親自示範扮王寶強和林志玲的說話腔調和動作，逗得全班大笑，期間有學員建議Chilam扮靚靚，他隨即七情上面以廣東話模仿老婆說：「唉呀！點搞㗎？」然後再用普通話說：「不要說話！」靚靚就笑着回應：「我哪有那麼兇？」扮完老婆，Chilam又被靚靚要求扮「張智霖」，靚靚問他：「最近忙什麼？」他說：「最近在家忙着帶孩子，我老婆不知所蹤，你說怎麼辦？」逗得靚靚笑不停。