孖吳岱融合作　彭懷安讚勁Nice

藝人彭懷安（Eddie）忙於打理餐廳生意，最近亦投入拍攝四十集的網劇，忙得不可開交。Eddie劇中飾演一名臥底，與陳國坤、姜文杰等人合作，他更慶幸有機會與兩位前輩駿雄和吳岱融合作，他表示：「駿雄之前真係冇機會認識，都係睇過佢以前嘅古裝劇。今次片場見到佢真人，佢真係好Nice，大家合作得好愉快。而吳岱融近排人氣高升，但真人全冇架子！原來佢都係愛車之人，大家唔使埋位都會走一齊講車，研究吓分享吓玩車心得。」他表示由於劇集以1997年前為時代背景，故拍攝時走訪很多具90年代味道的地方，勾起了他不少回憶。

此外，早前他亦抽空到了捐血站捐血，Eddie表示：「因為聽到收音機，政府呼籲巿民捐血，血庫唔係好夠血，咁咪去捐血。其實過往都有捐血習慣，仲記低咗下次可以捐血嘅日期，幫到人何樂而不為。」對於餐廳的生意，他表示打理生意和拍劇真係難分身，幸好有一班拍檔支持和幫手，令他可以專心拍劇，現正計劃在九龍灣再開分店，計劃能開到8-9間分店，向轉營做中小企這個目標進發。