《G1》強勢回歸　何慈茵憑點數贏余曉彤

ViuTV節目《G-1格鬥會挑戰賽》正式播出，「索媽」余曉彤（Hidy）對戰「劉家良徒孫」何慈茵（Charlene），爭取挑戰G-1首季亞軍得主郭思琳的資格，節目內兩人先接受各種體能訓練，包括拖車軚跑斜路、鐵鎚錘車軚及拖降傘跑步等，雖然訓練絕非容易，但兩人均順利完成。

Charlene自五歲就跟隨父親習武，於大學時期更選修體育科，功夫了得，節目內她更獲父親及表姐雨僑力撐！至於Hidy同樣打親情牌，帶同老公及初生囡囡出鏡，Hidy直言之前因懷孕未能參戰第一季《G-1格鬥會》，感到可惜，故今次決定出戰，身為潛水教練的她能閉氣2分半鐘，心肺功能超卓。賽前打得之人杜恒霖及錢小豪都認為兩人都是首次上場，未有哪位是「贏硬」，要靠臨場發揮。

去到節目後半部，Hidy及Charlene終於走上擂台正式開戰，善於拳腳功夫的Charlene充滿狠勁，一直處於上風，多次擊中Hidy頭及腰，期間Hidy多次嘗試施展鎖技，但都未能將Charlene摔低，練開洪拳的Charlene馬步果然非常穩！兩人激戰三個回合，雖然Hidy一直捱打但都未有放棄，拚勁十足，最終Charlene憑點數以8分之差勝出！賽後Hidy臉部明顯有多處傷痕，落敗的她一度感觸落淚，表示最對唔住睇好自己的父親。至於Charlene則對表現滿意，給自己合格的分數，而下集她將單挑郭思琳。