獎勵老公拍戲辛苦　莫可欣預告冰火之旅

藝人方中信太太莫可欣帶同8歲大囡囡符迦晴出席萬希泉活動，她透露囡囡很喜歡動物，並不時要求要見藝人好友江美儀的愛犬，恰巧今天放半天假，故專誠帶同女兒出席活動。問到女兒有沒有表示過希望做獸醫？她說：「有，我同佢講成績要好好，要努力讀書。不過佢畫畫天份高啲，睇佢點發展。」

自爆係虎媽

她又透露老公方中信昨天剛從橫店回港，並已完成手頭上所有拍攝工作，可以稍作休息。問到會否去旅行？她坦言：「會呀，我哋冰火，去完日本，隔一日就去泰國，去十幾日。因為佢拍咗幾個月戲，想玩，因為都辛苦。（囡囡最開心？）係，佢想爸爸喺身邊，讀書都辛苦，十幾樣功課。（佢冇嚇怕咗？）佢學校唔算好多功課，我有另外畀功課佢，要逼，但都要取平衡。（逼嘅責任喺你身上？）係，不過老師上次同我講佢係模範學生，上堂好積極，我都好安慰。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon