演舞台劇講普通話！宣萱呻挑戰大

藝人宣萱出席其有份設計的萬希泉腕錶發布會時，透露今年作出了很多新嘗試，除了首次設計腕錶外，亦有人找她演出舞台劇。她說：「我之前做果汁店，只係負責宣傳。今次設計手錶學咗好多嘢，今次從生意人嘅角度出發，會諗手錶嘅買家係男定女，個錶面要幾大，個設計又要中性，我覺得幾好玩！」

拍完劇再考慮會否參演舞台劇

宣萱表示將會推出特別版腕錶，並透露會將自己所獲得的酬勞全數捐給保護遺棄動物協會。問到明年有甚麼新挑戰？她透露有人找她到內地演舞台劇，坦言是一大挑戰。她說：「雖然我之前演過《難兄難弟》舞台劇，都做得好順利、好好玩。不過要講普通話已經係一個難題，仲要係現場，冇得出錯。其實佢哋想我一月演，但我要拍《使徒行者2》，所以唔得。不過佢哋會不斷做，會有第二季，會再搵人。（做幾場？）未講到咁深入，佢哋一季季，一年三、四次，我要補吓普通話先。（同劇都係內地演員？）有香港同內地，不過我都仲未決定演唔演，拍完《使徒行者2》先。」

籲注意建築樓宇安全

另外，宣萱透露自己昨天剛從福岡旅遊返港，提到當地突然發生路陷，她表示慶幸自己沒有遇上，而且事件中沒人受傷。她說：「好佩服佢哋（日本人）好鎮定，同埋就算佢哋路陷，兩邊嘅建築都冇事，所以希望唔好有豆腐渣工程，如果件事喺內地發生，應該好多樓倒塌，唔好等有事發生先至後悔。」