黃智雯揭杏兒準備做媽咪：勸佢唔好工作狂

藝人黃智雯戴上道具假肚出席新劇《雜警奇兵》造型記者會，她說：「我裝咗兩個假肚，扮有咗6個月，暫時唔覺辛苦，反而覺得幾保暖，劇中我會大住肚跑、追車、捉賊。（有冇憧憬想快啲做媽媽？）戴起咗個假肚，反而會戥做媽媽嘅辛苦，因為真嘅肚一定好重，坐低起身都會辛苦！」

問好姊妹胡杏兒是否懷孕？智雯說：「唔係。（未夠3個月怕小器唔講得？）唔係，其實佢隨時Ready做媽媽，但可能工作忙，我哋有勸佢唔好咁工作狂，要全面休息做媽媽。前幾日佢開生日會，我病咗，腸發炎入咗醫院，去唔到佢生日會，我都唔開心，希望11月（好姊妹聚埋舉行）生日會可以出席集齊人慶祝！」