內地拍劇再結緣 米雪讚劉愷威成熟咗
上月度過42歲生日的劉愷威,早前跟米雪、鄭爽等合作拍攝清裝劇《寂寞空庭春欲晚》,劇集在內地播映時於網絡錄得近30億點擊,叫好叫座,而樂視亦會獨家播放這套宮庭話題作。

讚劉愷威演技拿揑得好

劇中,愷威飾演康熙帝,除了與鄭爽飾演的琳琅,上演一段可歌可泣的愛情故事外,又與米雪飾演的孝莊太皇太后上演一段嫲孫情。米雪接受訪問時表示今次與愷威合作,大感對方成熟了不少,她謂:「以前喺香港合作過,但戲份不多,今次首次有咁多對手戲!佢畀我嘅感覺係成熟咗,演技拿揑得好好,記得有場戲,講我要阻撓佢同鄭爽來往,他嚟求我,但我拒絕佢,呢場戲佢演得好好,自己演時都覺得好傷感。」

想演精神有問題嘅角色

問到米雪還有甚麼角色想演時,她表示:「其實演太皇太后都好,因為好靚,雖然頭飾好重,但冇辦法,我都係貪靚;但如果時裝,我想試演精神有問題、抑鬱症嘅角色,我想透過角色為佢哋平反,等大家知道就算有精神問題,只要好好治療,係會康復嘅。」

劉愷威剃光頭演出

而愷威自言是個康熙迷,為演出今次角色不惜犧牲剃光頭,在拍攝期間,他試過在一天內分別拍攝康熙青年、中年及老年的戲份,其中化老年康熙的妝更花了3小時,難怪他表示身體勞累。