否認被包養！林雅詩揚言與馬天樂唔避忌

藝人林雅詩（Grace）現身尖沙咀賣旗活動，受負面新聞影響的她全程笑容欠奉，而其緋聞男友兼老闆馬天樂陪伴在側，並捐出一百元港幣以示支持。Grace受訪前更向傳媒派發兩份聲明（一份以公司名義、一份乃自己署名）。

受負面新聞困擾

對於近日的負面新聞，Grace坦言心情麻麻：「都有壓力，因為影響到其他人，依家仲未平復到心情。（囝囝知唔知？）應該唔知，但佢問我都會解釋佢知，好在佢讀國際學校，同學同家長都係外國人唔會有是非。」

爆馬天樂幫忙抹淚

Grace然後逐一澄清謂：「傳我被包養，所謂嘅江湖人士係我朋友，同佢喺好多活動撞過，電影公司唔屬於佢，係馬天樂先生，所以話佢係幕後老闆同包養我唔係事實。而車廂嘅嘢，當時我心情唔好，馬天樂先生安慰我，摸面係因為我喊緊，佢幫我抹眼淚。至於烏低身兩分鐘係錯嘅，幾耐係佢有佢講，我執電話幾耐冇計時。」談到陪馬天樂赴越南，Grace表示當時的確先到上海，然後再飛越南傾公事。

認與馬天樂感情好

問到馬天樂的婚姻狀況，Grace指對方現時單身。問到兩人是否發展中關係？Grace支吾以對謂：「佢好錫我同照顧我，大家嘅感情好好，將來係點暫時未知。（有冇追你？）係好朋友。（咁有冇好感？）我哋私底下係好好，在公在私係拍檔，亦都係朋友。我知大家都關心我嘅感情生活，但私生活希望大家畀多啲空間我，話我被包養同偷食，根本冇必要，我拍拖係光明正大！至於有冇法律行動就要再同公司商量。」更指與馬天樂不會因新聞而有所避忌。

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon