岑麗香自爆同男友着情侶鞋：刻咗名！

藝人岑麗香（香香）出席FOOTSPOT.二十周年派對，她除了演繹全新鞋履外，又與巿民玩自拍，並獲大會送贈刻上其名字的鞋履。

唔介意着情侶裝

問到香香會否接受情侶裝？她說：「都可以，但喺加拿大未必接受，香港就會接受。（同男友強強有冇着情侶裝？）都有情侶鞋，一定係平底。上年聖誕佢送咗對刻咗我個名嘅鞋畀我，佢嗰對鞋就刻咗佢個名，一個『香』，一個『強』。（仲有咩情侶用品？有冇戒指？）鞋先啦！」

聖誕返加國探鍾嘉欣

另外，香香表示平時工作為了令雙腿顯得更修長，需要穿高跟鞋，所以她的手袋中一定放有一雙平底鞋備用：「我之前拍《為食神探》其中一場戲係喺辦公室開會，我着住OL套裝同四吋高跟鞋，諗住影近鏡，以為喺枱底影唔到，所以就除咗對鞋，點知睇Playback，原來鏡頭影到。（咁使唔使重拍？有冇畀人鬧？）冇畀人鬧，都冇重拍，因為我堅持呢種情況喺現實中係會發生。」

另外，香香透露聖誕將會回加拿大，希望有機會探望好姊妹鍾嘉欣與其BB。

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon