趙學而開騷不慎濁親：今次「自濁」喇！

歌手趙學而一連兩場的《我趙學而演唱會》今晚於九展開鑼，不少圈中好友送上花籃祝賀，包括緋聞舊愛謝霆鋒、英皇經理人霍汶希Mani、王書麒同許秋怡等，而到場支持的藝人有鄧兆尊與兩女友、上山詩鈉、袁嘉敏與男伴、蒙嘉慧、阮兆祥與女友、莊端兒、迪子、廖碧兒及當年飛圖老闆葉志銘亦鮮有現身來撐場，至於學而老公Alan並一早到場打點。

開騷時，趙學而以一套日式和風造型出場，連唱幾首慢歌。之後唱到《難懂》時，就不慎「濁親」，她唱畢後都自嘲今次真係「自濁」喇，引來台下大笑！而學而稱感謝不少歌迷朋友從外地飛返香港捧場，亦有人說她現才開演唱會「遲唔遲啲」，她覺得遲到好過冇到！