【豪晒深沟】利颖怡火辣床戏俘虏网民

拥有34C魔鬼身材嘅无綫艺人利颖怡（Joan），参加TVB第26期艺员训练班入行，现时为娱乐资讯节目《东张西望》嘅外景主持，曾远赴加拿大同内地多个城市冒险实地采访天灾事故，但最令网友印象深刻嘅系佢着白背心报道抢包山，激凸身材令佢成为《东张》咪神！Joan除咗口才出众，演技都有番咁上下，客串过多套剧集，扮演过护士、Sales、乡下妹，造型多变。<br/><br/>孖两仔玩“3P”<br/><br/>除咗电视上可以见到Joan，最近佢更开咗条YouTube Channel，以Youtuber身份同大家见面。拍摄多套爱情网剧嘅Joan，成为近期网络红人。上星期Joan上载咗一段最新嘅爱情网剧《Friends with Benefits 好朋诱》宣传片，片中Joan多次大胆演出，着住性感吊带睡衣，大晒深长事业线，分别跟两个剧中男主角大玩“3P”，两个男主角同样系TVB第26期艺员训练班嘅袁镇业、谭永浩，佢哋大玩床上缠绵游戏，又摆出多个调情动作，当中包括锡颈、含手指、逗下巴等等。锡颈期间，Joan更使出“先声夺人”，传出阵阵冧叫声，唔少网民都话畀佢嘅“呻吟声”俘虏，佢哋留言大赞Joan嘅叫声够晒销魂，净系听声已经晕晒浪，都相当期待网剧嘅首播。<br/><br/>网民嗌唔够喉<br/><br/>今日Joan终于上载《Friends with Benefits 好朋诱》嘅第一集，剧情讲述Joan同前度袁镇业饰嘅一段爱情故事，但系最终“被分手”。3年之后，Joan恋上新男朋友（谭永浩饰），不过Joan心入面对前度始终念念不忘，每次重游旧地，佢都不禁谂起同前度嘅开心回忆。第一集片长3分几钟，Joan着性感睡衣分别同两位男主角床上调情嘅画面好快就出现。虽然每幕只得一、两秒时间，Joan嘅深长事业线已令网民嘅鼻血不止，不过有部份网民睇完直呼唔够喉，仲话惊喜位有限，更话对第一集有少少失望。<br/><br/>网民有话儿<br/>Jx Dhxxlon：她的叫声已将我融化，期待网剧播出。<br/>oxanxc：利颖怡身材真系正，唔大又唔细，简直魔鬼身型。<br/>Kxxmy：第一集无乜嘢睇，期待佢之后嘅演出。<br/>Emxa cxxan：第一集不是要较吸引吗/为何惊喜这么少？失望......<br/><br/>__________________________<br/><br/>想听歌？想睇MTV？想了解本地Indie Band资讯<br/>快啲click入“声大夹乐”专页： http://on.cc/musicon