鄭中基爆7次入紙紅館：唔知佢哋嘅準則

歌手鄭中基為明年一月尾的紅館演唱會舉行記招，期間他在台上大玩人生道路大富翁，當行到正值人生事業低潮的「曲街」時，估計是指當年在飛機醉酒鬧事一事，他表示：「都岩嘅，嗰陣需要時間畀自己沉澱吓，諗吓之後點。」他又謂自己命運是「衣錦還鄉」：「當年喺台灣出道，之後先返香港，啲男配角獎又係先攞金馬獎，再攞金象獎，到今次開騷又係，喺澳門開左，先知道紅館有期。」

望今次做得更完美

受訪時講到他今次會開三場，問到可會再加場？他笑言：「開午夜場，我冇所謂，但隊band都要瞓。（會唔會開日場？）睇吓佢哋點搞。」講到他欠落不少演唱會飛債，他表示很多朋友都問他攞飛，甚至一些是十多年冇見的朋友。講到他相隔十年再開騷，他謂本來希望不如十年後才開：「嗰時太老定，但點知都係。（Keep住入咗幾多次紙？）7次，唔知佢哋嘅準則，淨係知唔得。」他笑言可以開始入定紙開下次騷：「依家入定十年後。」他又謂上次澳門場的舞台各樣東西只是做到心目中的六成，今次終可還原，亦可以唱多些歌。

爸爸囡囡做嘉賓

問到他到時可會操肌肉騷肌？他表示：「盡量，但依家都有跑步練氣。」嘉賓方面，他表示未落實，但指爸爸會上台彈結他，囡囡都有機會上台唱歌：「因為年30晚同初二個場9點半先開騷，所以囡囡應該初一嗰場會嚟。佢已經練緊歌，佢自己作，都幾即興，所以佢嘅歌我哋係彈唔到，又唔知佢嘅歌詞寫乜，佢個個星期都改。（你哋會唔會合唱？）佢唔唱我啲歌，淨係唱自己嘅歌，同埋佢會設定埋對白畀我，所以同佢玩可以慳水慳力。」問到囝囝可會上埋台？他講：「唔會啦，佢仲細，而且佢好準時就要瞓，同個囡唔同。」他亦謂太太不會上台。