娛樂專題:貼地女神簡淑兒自爆係MK妹

20161116
東網電視
更多新聞短片
Jessica鍾意啲嘢都幾普通。

近年被宅男封為「仙氣女神」的簡淑兒(Jessica),憑劇集《愛.回家之八時入席》而人氣上升。自8歲起隨家人移居美國讀書的她,四年前回流香港參選港姐而進身娛樂圈。雖然在美國成長,但Jessica每年暑假總會返港,最愛流連旺角,因為可以瘋狂購物與掃街邊小食:「最鍾意喺旺角打躉!」

塞爆兩篋 情迷街頭小食
小學時已移居美國的Jessica,坦言對當年香港的記憶已變得模糊,六姊弟妹中排第四的她指姊妹間感情非常要好,每隔一、兩年便由姊姊帶返港度暑假:「喺美國返嚟,我一定去旺角!最鍾意去女人街、旺角中心買衫、公仔同文具,因為好多平嘢!仲有好多地道街邊小食,好似燒賣、雞蛋仔、臭豆腐呀,次次行到攰、買完嘢就同家姐掃街。」Jessica在美國讀書時做兼職賺外 為爹哋要我哋睇多啲中文書,驚我哋中文退步。」

女神都要買打底衫
雖然被封做「女神」後知名度提升,但Jessica依然愛到旺角買平衫、掃街邊小食:「雖然係少咗去,但唔係話驚畀人認得,而係假日嘅旺角真係好多人!入到啲舖頭好逼,所以盡量避開人多嗰啲時間,依家有時放工拍完嘢,路經旺角都會同朋友去掃街,嗰度有檔好出名嘅小食。」話晒都係無綫小花,但Jessica坦言照舊到旺角買打底衫褲,貪價錢夠平,間中亦買一些長裙、Tee等便服:「有啲平日出街嘅長裙好好着、好舒服,一買就買幾隻色替換。」

生不逢時 男仔頭畀人恰
Jessica是家中的四妹,對下有妹妹與弟弟,年紀相差約五、六年,故她跟三位家姐的感情較為要好,她開玩笑說:「姐姐佢哋恰我多!通常會點我,有甲乙丙都一定叫我阿丙。」又笑言弟弟是家中么仔兼獨子,父母特別疼錫,但她不會覺得父母偏心:「佢哋真係追仔o架!我簡淑兒個『兒』字就係因為媽咪佗我嗰陣冇照超聲波,一直覺得生咗三個女,今次第四個一定係仔,點知生個女出嚟!爹哋都唔係咁開心。」

「叫我着裙唔開心」
由於父母恨仔,由細到大當Jessica「仔咁湊」,她笑說:「我細個好男仔頭!一直都係短頭髮剷青,家姐着泳衣我就着泳褲,12歲前都未試過長頭髮,我都當自己係男仔,着褲多過着裙,叫我着裙我會唔開心!」正所謂女大十八變,昔日男仔頭現已變身成宅男「女神」!

重視親情 組姊妹團旅行
小時候直認與家姐們嘈交的Jessica,長大後開始明白到親情的重要,姊妹間的感情亦愈來愈好:「我畢業嗰年,大家姐返嚟香港工作,嗰年暑假我都返嚟,佢就有問我留唔留喺香港,之後參選港姐就留低咗。細細個覺得香港係個好多姿多采嘅地方,係一個好有創意地方,機會比外國多好多。」目前仍與大家姐「同居」的Jessica,自爆四姊妹每年會約定去一次旅行,先後去過印度與日本:「因為妹妹同細佬仲讀緊書,通常我哋四個去,平日大家少見嘛!去旅行就可以維繫感情,相對得最耐。」回流香港四年,她指基本每年都返美國探望家人團聚,但今年因工作忙而未有歸期:「三家姐結咗婚兼最近有咗BB,預產期係2月,依家諗住出年2月請假返美國探佢哋。」

越洋收利是想喊
至於Jessica的父母每年4月清明節都盡可能返港拜山,自己則最愛11月返美國,因為美國人重視感恩節,一家人可以聚首一堂:「11月嘅美國仲有好多商店大減價,最鍾意返去買高踭鞋,有啲品牌嘅鞋喺美國買平啲,鞋一定要着得舒服,貴少少都值得。」每逢節日倍思親,Jessica透露每到農曆新年時會特別掛念家人,平日只透過微信與父母傾偈:「爹哋媽咪每年都會寄利是畀我,我都唔捨得拆,收到封利是已經想喊!細個時屋企經濟環境唔係咁好,令我養成習慣做兼職搵零用錢,依家佢哋都成日擔心我唔夠錢使,但咁大個女唔會問屋企人攞錢,雖然我仲未賺到好多,未可以匯錢畀父母做家用,但如果佢哋返嚟香港,我就可以包起佢哋嘅使費。」