【車羅蘭壓力大】Bobby爆阿滕斬雞似劈友

20161116
東網電視
更多新聞短片
見羅蘭姐笑得咁開心,就知安全啦!

無綫藝員歐陽震華(Bobby)、滕麗名、呂慧儀、羅蘭、劉江、張穎康等在將軍澳出席《一屋老友去旅行》記者會,眾分享台灣拍攝之旅之際,穿着「斗零踭」的滕麗名不慎跌倒,她埋怨笑指是歐陽震華絆倒她,歐陽震華受訪笑說:「你知佢男仔頭性格,佢挨喺我後面,男女有別,我當然唔好意思,一縮佢就自己絆倒,仲話係運動健將。佢喺我面前永遠都是小朋友,我當佢係妹,佢好多蝦碌。」

歐陽震華指今次台灣拍攝最驚險是他駕駛電動車載羅蘭拍攝,他指為安全情願以「龜速」,他說:「好大壓力,好耐冇揸過,仲要載住一個八十幾歲嘅前輩,坐後面攬要有技巧,但係羅蘭姐未必攬得晒我,見佢得兩隻手指扣住,哈哈。」歐陽震華爆滕麗名入到廚房就好似上身一樣,他說:「佢好熟手,斬雞個樣好狼,好似劈友咁,嘭嘭聲,唔知係咪當咗隻雞係老公,哈哈。」

講到來年工作歐陽震華笑謂明年會「休息」因為由二月到八月都會主力拍攝無綫五十週年長劇《誇世代》,他透露高層曾勵珍一早已叫他度定檔期。另外,羅蘭日前82歲生日,眾人送上壽包賀壽。