【性感穿窿裙】朱晨麗台上甩鞋Kick跌蚊蚊

藝人朱晨麗（朱朱）、萬綺雯（蚊蚊）、郭晉安(安仔）及王浩信等等，於尖沙咀出席無綫台慶劇《致命復活》記者會。當中朱朱以性感「開窿裙」及斗零踭鞋示人，惟她於台上kick到差點甩鞋，更連累身邊的蚊蚊跌倒，嚇得王浩信出手扶住蚊蚊，而陳庭欣則幫朱朱着鞋。

事後朱朱笑言自己與蚊蚊是「甩轆team」，二人行平路都會仆倒：「剛才好驚，個鞋踭唔小心攝住台上空隙。（陳庭欣幫你着鞋？）我以為係安仔幫我，佢喺劇中係我偶像。（劇中做小三？）佢離咗婚，單身嘅。」談到她今日打扮性感？朱朱笑說：「ok呀。（條裙中間縫埋咗？）設計係咁！」

身旁王浩信則「賣口乖」稱從安仔身上學習，又視對方為爭奪視帝的勁敵。朱朱聞言就指浩信與安仔親密到似拍拖：「佢哋cut機後癡埋一齊，當我冇到！」