擦火花表演失手！黃長興左腳膝蓋爆缸

東網電視

黃長興綵排擦火花表演失手，搞到佢左邊膝蓋爆缸，陰公豬囉！

藝人黃長興、翟威廉、何君誠，以及應屆香港先生冠軍黎振燁、亞軍丁子朗和季軍鍾君揚等，在將軍澳電視廣播城為無綫《萬千星輝賀台慶》「跳躍飛騰Jumping Man」項目排練。一眾猛男在台上的鋼架爬來爬去，更不時做出高難度的肢體動作，以肌肉去結合力與美！

自稱應屆港男「小前輩」的翟威廉，就對一眾師弟的表現讚不絕口，但他覺得最犀利都是他師兄黃長興！問做完連串動作後會否喘氣，「元祖級」港男黃長興透露就算自己做了爸爸之後，都有繼續抽時間做運動：「好彩都叫做Keep到！」

唔敢見老婆講

記者發現黃長興左邊膝蓋「見紅」，他即指自己在另一個表演綵排中擦傷：「戴個塑膠嘅護墊跣落地下嚟擦火花，我論盡，戴得唔好移咗位！（唔敢同老婆講？）係呀，唔敢畀佢睇。如果個女問我係咪痛痛，我會話爸爸曳曳囉！」而翟威廉亦有磨爛褲。

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon

on.cc東網