期待被周秀娜色誘　馬浚偉操肌拍出浴戲

藝人馬浚偉、朱慧敏、關寶慧及冼國林等現身上環觀賞由唐貝詩參演的舞台劇。馬浚偉透露專程到場支持唐貝詩，又言想多看舞台劇取經：「舞台劇製作上唔同都要睇，今次套劇有狗仔幾得意。唐貝詩叫得我做Uncle，我識佢媽咪（寇鴻萍）。我仲有留意鄧智堅，佢係個好好嘅演員。」

馬浚偉又言目前忙於寫劇本，稍後要為無綫新劇《深宮計》作準備。談到同劇周秀娜日前揚言想快點與馬浚偉見面，更稱要色誘他？馬浚偉聞言笑說：「即刻出嚟飲嘢啦！（佢要色誘你？）劇情需要，我都好歡迎。我拍戲冇畀人色誘過，艷福不淺！」他又表示獲監製梅小青告知要拍除衫出浴戲，故會密密操肌：「我演皇帝，出浴有層紗，但都要做Gym加操！希望兩個月後剝得衫，否則點見人！」馬浚偉又預告角色狠辣：「我好期待同劉心悠、周秀娜、胡定欣合作，大家唔好以為我今次又做好人，今次真係唔係。」