舊愛羅孝勇認愛王丹妮　林欣彤送祝福

歌手林欣彤（Mag）出席迷你音樂會活動，現時忙於拍攝劇集《老表，畢業喇！》的她表示抽空出席活動。講到拍劇情況，Mag謂開心但又攰：「有時早上或凌晨拍，中間嘅時候係等，Keep住拍冇乜嘢，但中間等就會想瞓覺。」

頻頻笑場NG

Mag透露這次飾演一名補習老師，是蔣志光的女兒，問到跟老闆王祖藍多不多對手戲？她說：「冇乜，反而同BabyJohn（蔡瀚億）同鄭欣宜好多。（拍嗰陣有冇畀佢哋搞到成日笑？）小寶（陳嘉佳）成日令我忍唔住笑而NG，BabyJohn都係，因為佢角色係講嘢唔正，所以搞到我笑場NG，都唔好意思。」

想唱歌多啲

問到角色可需要搞笑？Mag笑言：「唔使，好彩，因為我唔在行，我角色係做番自己。」她稱此劇會拍到下年一至二月，首次拍劇的她亦謂好玩及充實。問可會想試多些拍劇？她說：「如果有合適角色都想試，不過都係想唱歌多啲。」

聖誕唔孤單

另外，講到舊愛羅孝勇公開認戀王丹妮，她指沒留意報道：「但祝福佢。（你會唔會都想快啲拍拖？）拍好劇先算。（但要單身過聖誕？）係一大班人過聖誕，拍劇好開心，唔會孤單。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon