連詩雅為唱歌戒煙：我肺活量好差

歌手連詩雅（Shiga）出席禁毒活動，出道六年的她笑言參與活動已有五年，只是去年因有工作在身缺席，並透露11月19日是其六年前推出處女專輯的日子，問到有否受過毒品引誘？Shiga說：「入行後冇試過，反而讀書時期有同學引誘我。（叫你食咩毒品？）大麻，不過我冇受引誘同試食。（同學點引誘？）佢話食咗會開心啲同埋冇咁大壓力，因為當年讀書係好大壓力。」

Shiga承認曾吸煙，但很快就戒掉惡習，她說：「知道入行做歌手要唱歌就冇再食，因為自己嘅肺活量好差，再食會影響唱歌。」她坦言入行後生活習慣非常正常，亦注意飲食，她說：「做運動減壓。」對於同公司的官恩娜被傳再度懷孕，Shiga說：「冇聽過，可能張相角度問題，我哋約好咗一齊踩單車做運動，知佢想修身。」