爆乳跳肚皮舞　陳煒靠「墊」取勝

藝人陳煒昨晚在台慶騷與張秀文及高海寧表演肚皮舞，陳煒勁拋超巨胸，「峰」頭比兩位咪神更厲害，效果噴血成為網民熱話！今日陳煒以密實裝扮到紅磡宣傳劇集《幕後玩家》，蕭正楠及張繼聰亦忍不住搞Gag說：「下星期劇集重頭戲係煒哥會跳肚皮舞，係監製專登補拍加入去嘅！」

預咗觀眾留意身材

對於性感肚皮舞Look被網民瘋傳，陳煒受訪時笑言聽到不少朋友稱讚，她說：「其實練得幾急，大家都有唔同項目，好在我四年前開始學，有個底，短短地都幾精彩。（大家多數注意身材，會唔會尷尬？）都預咗，冇辦法，肚皮舞專業服裝係咁Sexy，舞步又好睇，身材又好睇，最緊要大家睇得開心。（老公睇咗未？）一朝Send咗條片畀佢睇，但未覆喎！（係咪嬲咗？）應該唔會啦！但真係未覆喎！哈哈！可能仲喺度睇緊，所以未覆呢！（平時有冇跳畀老公睇？）梗係唔會啦！搞錯！（大家話你身材好過兩個咪神！）根本冇可能啦！睇Size我簡直係越級挑戰啦！我係靠『墊』勝！」

牛一唔慶祝

講到明日生日，陳煒表示開劇斷六親，只能抽短短時間跟朋友食飯。問到會否與老公慶祝？她說：「佢仲喺台灣，月底返嚟先，其實唔使慶祝啦！幾十歲人，又老一歲。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon