【認背夫翹仔】梁小冰婚姻曾現暗湧

藝人梁小冰出道以嚟一直都係做啲賢妻良母嘅角色，而且佢同佢老公、前無綫及亞視藝人陳嘉輝都係虔誠基督徒，加上外表兩個都咁溫文，唔少人都覺得佢哋係圈中模範夫婦。

不過喺2012年，卻驚爆當時結婚12年、42歲嘅梁小冰「背夫翹仔」，緋聞對象則是前有線主播王志海（Brian）！梁小冰當時就解釋話同Brian只係戲劇同學，而且成班都感情好好，佢又話因為自己形象太賢淑，以致一做出翹手等行為就惹嚟誤會，仲話老公陳嘉輝好撐自己添！