冰蓉糾紛　慧妍前會長趙雅芝：應該冇問題

趙雅芝與老公黃錦燊出席慈善晚宴，趙雅芝表示聖誕與新年都不會出埠旅行，會留在家中與親友度過，她又提到兒子黃愷傑正在澳洲拍攝《環太平洋2》：「佢應該唔使打交，但佢做其中一個隊員，應該有啲場面幾激烈。（聖誕、新年可以返嚟？）新年就唔得，聖誕就應該得，個邊嘅crew都會放假。（去探班？）等佢拍定咗先，遲啲先過。」又謂兒子沒有向她請教，因為戲組有安排很多訓練去幫助他。

提到陳法蓉和梁小冰今午在慧妍雅集活動上的糾紛，曾為慧妍雅集會長的趙雅芝說：「我唔知個情況，要了解吓先，應該冇事嘅，大家都係慧妍雅集成員，應該冇問題嘅。」