梁榮忠淡出幕前：我好難再聽人指揮

藝人梁榮忠（忠仔）到奧運站出席自己執導的微電影《流星飛過後許願前的一秒》首映禮，他透露心情緊張：「雖然做後期睇咗60幾次，但依然好緊張，唔怪得人哋話好似生BB咁，我剪片嗰陣忍痛剪走咗好多，好唔捨得，喊咗出嚟，惟有寄望下次拍長片，咁我就可以拍2個幾鐘，我已經寫緊新劇本，但未落實係微電影定長片，等成事先講啦！」

嫌克勤片酬貴

忠仔坦言會逐步淡出幕前，他說：「我打算慢慢淡出幕前，因為做咗導演之後，發現自己好難再聽人講，聽人指揮。（呢齣戲你都有份演，唔捨得幕前？）我自己演番一角，因為我搵唔到人肯唔收錢演出嘛！（唔搵李克勤？）佢收嘅車馬費貴過我嘅片酬，不過我睇咗佢新歌MV，拍得好好，都想下次可以喺佢MV度演出。」