星光:張頴康拎飛躍激動爆喊「16年喇!」

20161126
東網電視
更多新聞短片
聽住呢篇致辭,小編都好想喊!

只要努力,一定會成功!喺今晚舉行嘅《TVB馬來西亞星光薈萃頒獎典禮2016》,出道16年嘅張頴康勇奪飛躍進步男藝人獎。當宣布佢攞獎時,全場同佢自己都勁激動。一上到台,張頴康啲眼淚已經啷啷吓,然後佢勁激動咁講以下嘅說話:「16年喇!我咁多年都有得睇冇得去頒獎禮,今年係第一年嚟!多謝無綫高層同馬國嘅觀眾。」

跟住張頴康就開始講故仔:「我有一個故事要講畀大家聽,我六年前,我想成家立室,但係冇錢,所以放棄做演員,去咗做文員,當時要中港兩邊走。點知有一日發生車禍,我諗呢十年嚟我連主角、甚至配角都未做過,好唔甘心!於是我返屋企同老婆講,我要返無綫!老婆講咗句,發你嘅夢啦,屋企我頂,錢嘅嘢唔使理!多謝老婆,永遠愛你。」由於張頴康嘅說話實在太感人,佢致辭嘅說話,《一屋》嘅演員呂慧儀同滕麗名都有喊!

__________________________

想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon