愛女出嫁　余安安搞喊全場女人！

藝人余安安昨日嫁女，現年28歲現任律師的大女李文琪，與現年33歲現任投資公司管理層的張介榮，昨日在大潭美國會舉行簽紙儀式和晚宴，邀請200親友出席，新娘爸爸余安安前夫李萬祺亦有出席，至於圈中人僅有曾志偉和薛凱琪出席。

台上致辭全場催淚

余安安說：「呢幾日太開心，攰過龍都瞓唔到，昨日玩到凌晨兩點，五點先瞓。」對於昨晚她在台上致辭，催淚全場，她說：「係呀！全場女人都喊，其實我講咗10分鐘，分享番同個女嘅點滴，講佢嘅性格，講我送佢去外國讀書時嘅心情，都有講女婿。（你女婿好靚仔！）真係幾靚仔，加埋人品好，女婿都係一個感情豐富嘅人，綵排已經喊，好好笑。（你個女應該喊得多啲？）佢兩個不相伯仲咋！」她說自己台上講辭時，也忍得住，但當李文琪致辭時，即忍不住感動落淚：「個女話多謝我照顧佢，畀佢自由，畀佢好好成長。」

李萬祺到場賀愛女

另外，對於昨晚前夫李萬祺出席女兒婚宴，安安說：「冇乜嘢，佢（李萬祺）係個女老竇，嫲嫲又好錫個女，所以請埋佢嚟。」但就不願多提前夫。李萬祺結束公關公司後，便絕迹香港，早年再婚及再做爸爸，並在澳門經營日本餐廳，現時主要做關於賽車的工作。

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon