支持伯樂　祖兒：喺佢身上學到永不言敗

90年代的卡啦OK Big Echo創辦人Apple久休復出，為BIG ECHO I-Box大迴智能地帶舉行開幕禮，獲天后容祖兒驚喜現身撐場，其經理人Mani及楊受成、譚耀文等都有送上花籃祝賀，而胡楓、麥德羅、王維德、蘇慧恩等都有來到賀。

祖兒接受訪問時，表示今次來到BIG ECHO特別有感覺，因為十幾歲已經經常去BIG ECHO唱K，所以非常有感情，而最重要就是自己參加了BIG ECHO被Apple賞識而在歌唱比賽中奪冠：「今次可以重開對Apple嚟講係好重要嘅一日，開頭同Mani夾計話我唔喺香港，仲做戲做全套拍埋片，再畀個驚喜佢囉。佢係個女強人，喺佢身上學到永不言敗，依十幾年佢經過高低起伏，今日有個新開始，好戥佢開心！」

問到祖兒可有興趣自己做生意，她笑言自己冇依方面嘅才能，又怕努力一生，將所有野敗喺盤生意上面。不過祖兒就搞笑指最想做護膚品生意，因為自己一直有研究，仲話想設計一個儀器：「一吸上面就可以洗面同化妝！」至於問到祖兒會否出席樂壇頒獎禮，她直言如果有時間都會去。