羅渣犘亞爆「鐵金剛」拍檔來港召妓

現年89歲的前「占士邦」羅渣摩亞（Roger Moore）近日於訪問中大爆《鐵金剛大戰金槍客》（The Man With The Golden Gun）已故侏儒拍檔Herve Villechaize係性慾狂，當時來亞洲拍《鐵》片期間，曾自言與多達35個女士發生性關係，羅渣仲爆出對方於香港落夜店揀女，會以燈照向心水女伴！後來一行人於曼谷完成拍攝後，羅渣問Herve亞洲之行到底與幾多女士發生關係，對方自豪回應有成35個，仲話有妓女完事後都唔收錢！

羅渣自言拍攝期間Herve不時埋身仲伸手接觸佢：「佢係個身材好細小嘅人，成日都會掂我，我通常會叫佢：『唔好掂，你有病。』我唔係對佢嘅體型刻薄，而係真係因為佢係個性慾狂，佢對女性有唔自然嘅慾望！」