獨家！老公爆「偷食」　鄭祖兒掩面封口

藝人陳曼娜愛女鄭祖兒（Joie）上星期二（22號）與任職金融界的老公蔡朝旭（Dicky）設婚宴，但結婚得嗰兩日，老公Dicky就與舊愛約會，更態度親暱。驚爆婚外情後，Dicky表示考慮開記者招待會，又表示獲太太Joie及外母陳曼娜信任，更坦言這幾天與太太都好癡纏。

全程封口　交由老公交代

今早Joie如常返回中環的牙醫診所返工，更接受《東網》獨家採訪。身穿牛仔褲、深色衫、素顏打扮的Joie於十二時許與同事出外，起初見到記者時表現得避忌，更一度以手掩面。問到心情怎樣、與老公現時關係時，她都只謂：「唔回應喇！」沒甚表情的Joie之後再被要求說幾句時，她就謂：「知道發生乜嘢事，遲啲會交代！（公開交代？）事實嘅嘢係要講嘅！」問到是否知道老公有與對方糾纏及麻煩事時，她再次表示遲啲會交代，更指現時心情OK。

直認心情冇影響：知佢存在

另外，提到老公Dicky表示這幾天跟她都很癡纏，她笑笑口謂：「OK㗎！心情都冇乜嘢。（你識唔識個女仔？）知佢存在，但唔識佢。（老公交代晒？）係，有嘅，所以冇乜受影響。」再問她結婚不久發生這些事是否不太好時，她即收起笑容謂：「呢啲遲啲會講！（會唔會出面幫老公講？）唔會喇！（媽咪都支持？）支持，媽咪都好支持Dicky。」說到媽咪陳曼娜給老公101分，問她給老公多少分時，她笑謂：「都係咁啦！」問為何新婚後極速開工，她謂：「之前pre-wedding都用咗好多時間，都好攰！」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon