另類指標　肥媽自爆節目煮乜舖頭即加價

歌手兼煮食達人肥媽（Maria Cordero）於天水圍為開幕活動擔任嘉賓，身為師奶偶像的她吸引不少街坊圍觀。肥媽透露居於英國的細仔與新抱剛為她誕下第14位愛孫，每日都會透過手機「Baby Chat」，問到要否幫手湊孫？肥媽笑說：「仲要忙埋聖誕節先，嚟緊要去雲頂開演唱會，跟住會去拉斯維加斯登台，我每年都會去㗎，然後要到新年就可以飛英國見孫女！我個仔仲叫我帶埋自己啲書（食譜）過去，要係寫英文嘅，等新抱可以學住幾味，我諗我都有幾本啩！（孫女改咗中文名未？）我遲吓搵麥玲玲師傅幫手，始終唔怕生壞命、最怕改壞名！」

衝出香港　做外國人「師傅」

肥媽表示剛簽下新一輯《食平D》，對於節目能再添食，肥媽多謝一班街坊支持：「煮咗好多題目，今次暫定係春天篇，都好享受係街市煮飯，大家會跟住我煮番幾味，啲老闆都好識做，見我煮乜就跟住加價！原來節目外國都有播，好多外地朋友都有跟我學煮嘢食。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon