老婆有喜6個月　49歲蘇永康一索得男

恭喜！恭喜！年尾娛圈認真多喜事！現年49歲嘅蘇永康（阿公）與老婆馮翠珊（Anita）自2014年結婚後今日傳來好消息，二人終於造人成功。蘇康接受東網記者訪問時直認老婆有喜6個月，仲係一索得男，佢自嘲係老來得子，更謂估唔到有人後繼香燈，有仔送終。

他感謝上天賜BB畀佢，又謂要做番多啲善事報答上天，佢話今次造人係順其自然，蘇康說：「佢要嚟就嚟，都有預備嘅，太太成日唔喺香港，我自己都係，好難撞得啱，呢啲嘢要嚟就嚟！」

唔主張留錢畀小朋友

阿公表示要向B哥哥（鍾鎮濤）請教：「佢60歲先生個出嚟！（你追多個？）夠皮啦！仔女都冇所謂，冇乜男女觀念。（減少買衫？）唔會！會努力搵錢。我唔主張留錢畀小朋友。（有冇同BB傾偈？）老婆話有FEEL到BB轉，我就FEEL唔到。」

問到有冇同BIG FOUR兄弟報喜？他說：「張衞健佢哋都知，BIG FOUR嫂同我老婆有Group，佢哋就好關心。（BIG FOUR有冇羨慕你？）冇講呢啲問題。（叫梁漢文快啲生？）佢自己打算啦！大家都有制度個體，呢個係一個終身責任唔係遊戲。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon