蘇永康宣布老婆有喜　任賢齊一早知！

現年49歲嘅歌手蘇永康（阿公）今早接受《東網》訪問時，直認老婆Anita有喜6個月，仲要係一索得男！《東網》之後聯絡康仔的好友任賢齊，佢高興地表示：「其實呢…我一早就知道喇，康仔一早就同咗我講，梗係好開心啦！但係我唔可以亂講吖嘛，驚小朋友小氣，所以我哋要Keep住呢個秘密，等阿公覺得差唔多時機成熟嘅時候自己公布。咁我希望阿公可以抽多啲時間陪Anita，因為啱啱有咗後要小心啲，所以康仔要抽多啲時間留喺屋企，畀Anita放心嘛！跟住（個胎）穩定之後，我哋再慢慢安排啦，所以喺呢度好恭喜康仔！我哋大家戥佢好開心呀！」