愈忙愈好！樂瞳最想一年拍5套劇

藝人樂瞳於尖沙咀出席《無綫長期服務暨傑出員工榮耀大獎頒獎典禮》晚宴。已為無綫效力十年的她接受電話訪問，表示於過去十年獲益良多，又笑言希望長保青春。樂瞳說：「呢十年賺咗好多，第一份工就係TVB，好多機會畀咗我。剛剛攞獎時，大王安德尊話我十年前個樣同依家冇變，呢樣值得開心。」她提到同場的張頴康及馬貫東現時各自有一片天，她明言正在等待機會：「我等緊一個屬於我嘅角色同機會。嚟緊希望遇到好劇本同角色，再有一個突破。我希望下個十年，40歲後會有人搵我做阿妹，但依家開始唔好搵我做阿妹。」

樂瞳直言懷念以前一年拍5套劇的日子：「十年裏面好多嘢難忘，睇Facebook見到之前同黃日華合作拍劇，之後在楊怡婚禮再撞返。佢依然好nice，當時拍劇三哥都有嚟探班。年年有份去台慶，同唔同人合作，有好多回憶。最難忘有一年拍5套劇冇得瞓，希望再有好忙、好忙嘅時間，睇下身體應唔應付到。」