原諒親生亡母未？姜麗文決絕：唔想提

歌手姜麗文出席手機飲食應用程式活動，她透露剛去完韓國、上海及台灣：「去上海係探爸爸（秦沛）班，成家人飛咗過去，台灣就係陪爸爸出席金馬獎。」早前為韓國人氣男團2PM寫歌的她，又表示年底要再去當地為另一組合寫歌。

自爆有韓仔追

自爆單身三年的姜麗文坦言渴望拍拖，她說：「臨到聖誕特別想拍拖，都成3年冇拍拖。（有冇人追？）梗係有，係韓國圈中人，不過兩地發展好難，我都30歲啦，唔想再玩地下情。」

避談有否原諒生母

對於缺席生母梁盛子於加拿大時間10月1日舉行的喪禮，1歲已跟日本籍後母生活的姜麗文說：「嗰陣要同2PM宣傳，做嘢先！嗰段時間網誌都冇上載任何嘢，同埋都要尊重佢哋嗰邊家庭，始終唔係圈中人。（冇送花牌？）唔係，有送，可能寫英文，（我）一歲時，爸爸已經再婚，好幸運有個Super women媽咪（指繼母）。」由於藝人黃淑儀透露梁盛子一直希望得到一對子女原諒。問到姜麗文生母過世後有否感傷心？她避談說：「呢個太私人，唔想提，總之就未感覺過嗰種feeling。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon