學做鐵金剛 勇破處女黨！
20161202
東網電視
更多新聞短片
娛圈「處女黨」成員真係買少見少啦。
娛圈「處女黨」成員買少見少，有另一半齊齊「退黨」，傷透唔少宅男嘅玻璃心，究竟如何將「神級處女」追入手？
李亞男
鐵金剛1號：王祖藍
必殺技：雖然矮過李亞男成個頭，但「矮仔多計」嘅祖藍出名口才了得、幽默又風趣，成功打破李亞男芳心！祖藍吸金力強勁，出手闊綽豪擲一億港元送豪宅氹老婆開心，認真魅力沒法擋！
鍾嘉欣
鐵金剛2號：Jeremy
必殺技：任職脊醫嘅Jeremy為TVB前行政主席梁乃鵬的姪兒，長居加拿大可謂與當地出世嘅鍾嘉欣同聲同氣，難怪嘉欣親撰千字文喜訊時，公開讚老公成熟穩重兼充滿愛心，加上佢哋一樣咁鍾意小朋友，當然一拍即合啦！
岑麗香
鐵金剛3號：強強（Joshua）
必殺技：有傳係國際金融集團高層嘅強強身高六呎、兼擁有一副帥臉，加上強勁嘅臂彎、胸肌同一身古銅膚色，試問誰能抗拒？兩人亦同聲同氣，半中半英嘅溝通，又有共同信仰，女神就此被私有化。
王君馨
鐵金剛4號：Daniel
必殺技：王君馨同圈外男友Daniel分隔兩地多年，但係佢哋仍然能保持十一年嘅拍拖關係，可見Daniel夠晒長情專一。同為基督徒嘅佢哋成為對方嘅心靈伙伴，君馨又愛男友孝順家人，近日終於退黨嫁人。
陳凱琳
鐵金剛5號：鄭嘉穎
必殺技：47歲嘅鄭嘉穎夠晒成熟穩重，令年輕22年、只得25歲嘅陳凱琳搵到安全感，深深被嘉穎嘅男人味吸引。鄭嘉穎演技出色又係視帝，做過歌手出唱片，得閒又鍾意打網球，運動型男加晒分。
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon