成日開工唔見影 蔡少芬被囡囡投訴

20161205
東網電視
更多新聞短片
蔡少芬今日為《老表》開工,透露拍攝時成日忍唔住笑。
藝人蔡少芬(Ada)為無綫新劇《老表,畢業喇!》開工,透露以往拍攝無綫劇時日以繼夜,但今次因劇組有很多支線發展,令其有休息時間,她謂:「尋日外景停咗,廠景又冇我,所以可以休息一日,咁啱老公張晉又喺澳洲返嚟,成家人就去咗淺水灣沙灘玩成日,真係好需要家庭樂,啲女成日投訴我哋出去做嘢見唔到佢哋。」
由於與老公也要開工,湊女重任則交由三姨婆處理,幸而女兒就讀國際學校,她可透過上網檢查功課,笑指學校給予很多勞作功課,有些更要家長協助,但她卻相當享受。問到聖誕節可有假期家庭樂?Ada謂:「未知,通告要到時先知,應該拍到一月尾,但知祖藍買咗機票飛,所以都會快完成。」
Ada表示今次與老中青演員合作愉快,問到拍攝時NG多與否?她謂:「都多,成日忍唔住笑,一聽到叫我名『張晉強』就忍唔到笑,同埋入面又多無厘頭對白好搞笑,都好期待出街反應。」
與同劇的郭晉安多年沒有合作,Ada透露也有留意其新作《致命復活》,更謂:「我有關心佢身體狀況,睇新聞話佢拍套劇時好大壓力,又差啲抑鬱,不過佢喺呢個圈咁多年,信佢會識得調校。」
至於老友陳法蓉與梁小冰的「慧妍」外套不快事件,Ada坦言有留意,但認為事情已過去,故不欲再談論。