要柏豪請食飯慶新婚 苗僑偉自封呷醋外父

20161205
東網電視
更多新聞短片
苗僑偉出席活動,講明要周柏豪請食飯慶新婚。

藝人苗僑偉(三哥)出席代言的活動,原來他擔任這個品牌代言人已經多年,笑言應該加價,但不要股份,要現金。提到與他拍攝《使徒行者2》的周栢豪秘密結婚,三哥坦言事前全不知情:「有幾日開工唔見咗佢,以為佢有其他工作。佢唔講終於畀人影晒,我都係睇報道先知。我哋有喺group chat(群聊)恭喜佢,大家自然話佢冇義氣,結婚都唔講,佢返嚟自然要請大家食飯,係開心事,都想恭喜佢。(有冇見過佢太太?)冇見過,但聽佢講過佢哋好甜蜜,佢係好男仔。」

反對聲音唔可以太多

問會否擔心將來女兒結婚後才通知他?三哥斷言不會:「我啲小朋友好聽話,而且都唔會咁快結婚。(你唔想佢哋咁快結婚?)我係呷醋外父,都會想仔女留喺身邊耐啲,當然留太耐又會擔心,唔拍拖唔正常,男大當婚女大當嫁,係人生必經。」

而女兒拍拖也會帶男友回家給他過目,至於是否合格?三哥笑言:「我多數會叫佢識多幾個先,多啲選擇。(要過咗你嗰關先得?)冇話過唔過,係我一相情願,佢哋係成年人,識得選擇,我哋只可以喺旁邊講兩句,唔可以畀太大壓力,反對聲音唔可以太多,我哋個家庭好民主。」

__________________________

想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon