【5位數開店】鍾舒漫升呢老闆娘壓力大

歌手鍾舒漫（Sherman）早前斥資五位數與好友合資開設咖啡店一嘗創業夢，Sherman以老闆娘身份出席開幕儀式，身為妹妹的鍾舒祺（Sukie）現身支持，兩人即揚炮製花茶及多士。對於老闆娘稱號，Sherman笑說：「呢個名好重，第一次做生意想輕啲唔想太大壓力，叫我店長好過叫我老闆娘。」人緣超好的Sherman說：「今次有好多朋友同妹妹幫手，投資咗五位數。」

用人形紙牌宣傳？

問到Sukie有否經濟上幫助家姐？她說：「佢養舖我養佢，佢唔易養㗎。」身旁的Sherman即投訴：「佢對我要求好高又成日玩我。」並透露咖啡店已試業個多星期，她說：「都有好多人畀意見。」古靈精怪的Sukie笑指要做張印有家姐大頭人形紙牌作宣傳，問到是否預計要守業？Sherman說：「好彩係好多人幫手同睇住我啲錢，所有嘢都好舒服，連租約都冇，暫時做三個月，大家都有意長做落去，今次擺咗好多心機。」

被Sukie踢爆情史

Sherman大方透露曾為另一半下廚，抵死的Sukie踢爆說：「有次佢炸薯片畀男朋友食。點知男友話點解唔直接去買包薯片就算。」一臉尷尬的Sherman說：「我個心碎了。」在網誌留言吃下雙重咳藥水的Sherman說：「醫生好好開咗五日藥畀我，係我自己冇睇清楚，唔怪得飲完暈暈哋。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon