隨時Ready造人？王菀之生B要睇老公意願

藝人王菀之（Ivana）、衛詩雅及黃浩然到上水出席電影活動，Ivana見到曾於電影《大手牽小手》合作過的小演員林祉祺，即盡顯母愛。

問到Ivana會否想做母親？她說：「我有時會諗，但要跟隨老公嘅諗法，佢好鍾意小朋友，嘻嘻！答呢啲問題好尷尬呀！其實Eric（老公）都好似大細路，佢好似有時比我仲似大細路。（有冇plan幾時生BB？）冇實際咁去plan。（隨時ready？）最好做完演唱會先，我哥哥都有兩個小朋友，我都算由細睇到佢哋大，湊小朋友有時困難，有時開心！不過我做創作，小朋友嘅勇敢同好奇，加上有個純潔嘅心，好啱創作。」

問到Ivana受不受小朋友歡迎？她說：「從呢次嘅電影合作嚟睇，我算係可以，但聽朋友講，同人哋BB玩，你梗係會有耐性，但到同自己BB相處，你就知味道！（想生B仔定B女？）我又冇咁諗，生咗出嚟都係同等咁去愛！」