寫歌畀前度 李承運賀舊愛結婚勁尷尬
來自馬來西亞的新進歌手李承運(Berg)今年在機緣巧合下來港發展音樂事業,更獲香港著名作曲家鄭汝森製作兩首廣東話歌《Undercut》及《Goodnight》。Berg本身的廣東話尚算流利,所以錄廣東歌難不到他,連鄭監製都大讚他錄音時效率高:「同佢合作好多時好快手,但唔係求其。」這次Berg有份為兩首歌填詞,他透露《Goodnight》是寫給前度的歌,收到歌曲時剛巧前度要結婚:「我想作為一個紀念咁,相信好多情侶分手後都想有個好溫馨嘅總結。」又坦言有出席對方的婚禮:「見到身邊嘅朋友會尷尬,因為佢哋覺得你哋以前係一對,依家認知上會唔同咗。」而接下來,Berg表示希望嘗試作曲,所以會把握機會在鄭監製身上偷師:「依家我喺作曲方面都學習緊,希望之後有啲歌佢都會覺得我寫得唔錯,可以用。鄭監製音樂上知識好廣闊,由古典到流行歌都係,所以依家投入多啲、學多啲先。」

全力做歌手

演員出身的Berg坦言難得有機會接觸音樂,所以暫時決定全力做歌手。問到他在音樂上的目標?他說:「目標我依家唔敢諗,我目前淨係好希望香港嘅朋友可以認識我,聽吓我唱廣東歌,因為呢方面我努力嘗試完,但未知大家覺得O唔OK。」而鄭監製表示之前有很多馬來西亞歌手亦在香港有很好的發展,希望Berg可以效法一眾前輩,於香港大展拳腳!

__________________________

想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon