舊版《流氓皇帝》你實記得朱錦春

20161211
東網電視
更多新聞短片
《流氓皇帝》夠晒經典!

朱錦春?豬咁蠢?朱錦春?豬咁蠢?媽,好亂呀!不過講起朱錦春,相信呢個港人回憶大家都唔會忘記,就係1981年鄭少秋(秋官)喺經典劇集《流氓皇帝》,將朱錦春嘅老實戇直性格演繹得非常之到位,角色深入民心,與飾演女主角易蓉蓉嘅李司棋孖住上,當年後生嘅李司棋真係索爆鏡,難怪朱錦春會咁鍾情於佢啦!而無綫翻拍同名劇集,搵嚟「天然呆」馬國明擔正朱錦春一角,拍住周麗淇一齊主演呢個浪漫嘅愛情故事,同秋官司棋姐有冇得揮呢?

講番秋官嗰套啦!三十幾年前嘅劇集嚟講,秋官同李司棋要由少年演到老年,都可以話係幾有難度,而且一套劇裏面演繹唔同年代,秋官仲要由農民、皇帝仲有乞兒都做埋,絕對係一種挑戰!當中最經典一幕講到秋官同李司棋失散多年,兩個已經係長滿白髮嘅老人家。有一日,二人喺街上重遇,秋官見到自己最心愛嘅易蓉蓉,即係李司棋,竟然唔記得晒啲嘢,最後靠唱經典歌曲《愛在心內暖》先recall番易蓉蓉嘅記憶,兩人相認番呢幕場面感動唔少觀眾!


__________________________

想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon