升呢防罪大使 李施嬅自爆想演賊仔?!

20161212
東網電視
更多新聞短片
做咗防罪大使嘅李施嬅,居然想演賊仔?

藝人李施嬅以「港島區防罪大使」身份到工展會宣揚防罪意識及派發年曆,吸引大批巿民圍觀,場面熱鬧!

談到防罪意識,李施嬅自言曾遇過電話騙案,幸好機警,才沒有受騙!不過,她曾兩次銀包失竊,其中一次更損失近六萬元!她「肉赤」地說:「試過兩次被人偷銀包,第一次係我細個嘅時候,孭住個背囊喺遊樂場玩嘅時候,被畀人偷咗銀包;第二次就損失慘重,試過有次我帶咗一個名牌手袋,裏面有銀包、電話,我去一間餐廳食飯,將個袋放喺我隔籬張櫈,原本諗住好安全,點知對面有張枱嘅人嘈交,於是我多事企起身望兩眼,望完坐低就唔見咗個袋,即刻報警,但都搵唔到,個袋連同裏面財物損失近六萬,真係好心痛。」

渴望演警察角色

談到成為「港島區防罪大使」,李施嬅直言好開心:「一直以嚟我都好想扮演警察角色,可惜冇緣分,原本即將有個警察角色要演,不過又撞咗拍新劇《天命》,又冇機會做警察,好期待嘗試拍動作戲,我已經操到好Fit,做足準備,就算唔演警察,演賊都好。」

提到將於周日舉行的《萬千星輝頒獎禮2016》,李施嬅憑《純熟意外》一劇有份角逐「最佳女主角」,她表示對獎項零信心,更呼籲大家將票數投給好姊妹胡定欣,覺得對方在《城寨英雄》中演得十分之好。

對於「最佳男主角」獎,李施嬅直言欣賞陳展鵬、郭晉安、黎耀祥、王浩信、吳啟華,不過她會將自己一票投給陳展鵬,因為陳展鵬是她好姊妹胡定欣的緋聞男友,所以愛屋及烏,投埋畀陳展鵬。

__________________________

想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon