自細被父母拋棄　HANA失學捱餓暈倒街頭

20161212
  • 東網電視
    更多新聞短片
    雖然HANA身世坎坷，但佢仍努力活出自己想要嘅人生，敢於追求音樂夢。
    貌似內地女星劉亦菲的唱作女新人菊梓喬（HANA）破格以30歲闖樂壇，借新歌《七歲》細說淒慘的童年。HANA日前接受訪問時坦言自小父母離異，並於她13歲時因為私人原因先後遺棄了自己和妹妹。當時年紀少少的Hana頓失依靠，連基本生活都有困難，一度要停學，要社工幫助下維持生活，其後要打工賺外快。
    一個麵分兩日食
    面對身邊的朋友談夢想，HANA自言自己根本沒有多餘時間思考如何追求人生，只能用盡所有時間賺錢照顧妹妹：「一停手唔做嘢，我哋就會捱餓！」重提兩姊妹的辛酸日子，HANA忍不住雙眼通紅說：「試過冇錢食飯暈低咗喺條街度，嗰陣時好想讀書，但有錢都會畀咗阿妹讀先，一個公仔麵都要分兩日食，依段時間都維持咗好幾年。」
    再見父母如同陌路人
    長大後，HANA一直沒有放棄尋找親生父母，重遇時卻發現他們已各自組織了新家庭，更視她們兩姊妹如同陌路人。HANA憶起跟父母見面的一刻，再次心痛地說：「佢哋話無論依家佢哋嘅家人點樣都與我無關。我從來都冇感受過有爸爸、媽媽嘅感覺，幻想唔到有父母嘅感覺會係點。」
    從未怪過父母離棄
    雖然多年缺乏家庭溫暖，HANA坦言從沒有怪責父母，亦沒有影響到日後組織家庭的想法，只是仍未遇到真命天子。提到新歌講述想回到童年，她直言只想透過歌曲讓大家知道幸福不是必然：「以為父母生你出嚟就一定要照顧你？唔係㗎！」
    患上罕見「多齒症」
    身世坎坷的HANA又不時受「多齒症」困擾，早前病情更一度復發，她講：「我上面啲牙肉腫晒，因為生牙，佢生完一隻就會自己甩，會keep住生一年左右，但啲牙唔係普通牙，係好似殭屍牙，係一條條柱，不過真係會痛。（有冇得醫？）冇得醫，好似十萬個人就有一個人係咁，醫生話冇特別原因點解會有呢個病。」故只能食粥及流質食物。
    __________________________
    想聽歌？想睇MTV？想了解本地Indie Band資訊
    快啲click入「聲大夾樂」專頁： http://on.cc/musicon