人仔細細做網紅 星二代BB靠賣萌上位
20161213
東網電視
更多新聞短片
睇B啦喂。
近年星二代紛紛彈出，當中唔少「萌B」憑得意模樣，仲有其他獨特嘅特質，成功俘虜一班網友！要數人氣「萌B」，自然要提本地薑「包包」同「梁浸浸」，而內地代表「劉諾一」，台灣代表「飛飛」、「翔翔」，以及韓國代表「得意妹」秋小愛亦都深得網友愛戴，位位人氣都爆燈！
1.徐心怡
姓名：徐心怡（包包）
年齡：1歲2個月大
父母：徐榮
殺手鐧：「包包」憑住一對水汪汪大眼晴及可愛包包面，喺處境劇《愛．回家》甫登場已經一「萌」驚人，其後仲成為廣告商寵兒，吸金力強勁！
2.梁子柔
姓名：梁子柔（梁浸浸）
年齡：1歲8個月大
父母：鄭希怡
殺手鐧：「梁浸浸」擁有一頭招牌鬈毛加上一副天然呆樣，媽咪鄭希怡亦不時拍片影相放上網，「梁浸浸」嘅可愛甫士，閒閒地都「吸LIKE」過千。
3.雷棨宇
姓名：雷棨宇（Jacques）
年齡：1歲4個月大
父母：周汶錡
殺手鐧：中法混血嘅Jacques，最殺食係佢個紅卜卜面珠，真係可愛到令人想咬一啖！
4.陸一穎、陸一心
姓名：陸一穎（Hannah）、陸一心（Simsim）
年齡：4歲（Hannah）、3歲（Simsim）
父母：陸永
殺手鐧：大女Hannah遺傳媽咪嘅靚樣，性格又乖巧，畀被妹妹蝦都絕不還手，而細女Simsim古靈精怪，兩姊妹一動一靜，俘虜唔同類形嘅粉絲。
5.錢凱晴
姓名：錢凱晴（Alyssa）
年齡：3歲
父母： 錢嘉樂、湯盈盈
殺手鐧：錢凱晴同爸爸錢嘉樂餅印一樣，就連性格都似足爸爸，相當活潑好動，人仔細細已經好叻游水，CUTE到爆！
6.吳芊憧
姓名：吳芊憧（Gaibe）
年齡：11個月大
父母：姚樂怡
殺手鐧：Gaibe有個花名叫「小雞髀」，一聽就知佢有對肉腿。Gaibe成個人肥嘟嘟，加埋個圓碌碌嘅肚腩仔，真係得意到暈！
7.洪大仁
姓名：洪大仁（TJ）
年齡：3歲
父母：洪天明、周家蔚
殺手鐧：似足媽咪嘅TJ，愈大愈靚仔，成日面帶笑容，細細個已經電死一班姐姐姨姨，大個仲得了？
8.Kelly
姓名：Kelly
年齡：3個月大
父母：鍾嘉欣
殺手鐧：Kelly雖然只得3個月大，但人仔細細已經勁多頭髮，個樣仲同爸爸餅印一樣，Kelly咁可愛，難怪身為媽咪嘅嘉欣BB都話畀佢融化啦！
9.Leora
姓名：Leora
年齡：3個月大
父母：張嘉兒
殺手鐧：僅得幾個月大嘅Leora五官深邃，雙眼皮勁深，似足媽咪咁靚女，睇嚟大個可以好似媽咪咁選港姐喎！
10.Jenson、Kyson
姓名：Jenson、Kyson
年齡：1歲
父母：林志穎
殺手鐧：雙胞胎Jenson同Kyson眼仔碌碌，加上又長又翹嘅睫毛，猶如林志穎嘅複製版，淨係用一對迷人電眼，已經輕易迷倒一班Aunties同Uncles！
11.陳睿飛、陳睿翔
姓名：陳睿飛（飛飛）、陳睿翔（翔翔）
年齡：1歲10個月大
父母：范瑋琪、陳建州
殺手鐧：呢對雙胞胎外形同性格大有不同，哥哥「飛飛」活潑好動，而弟弟「翔翔」就文靜，不過相同嘅係佢哋一舉手一投足都咁可愛，所以成為台灣最紅雙胞胎！
12.宋大韓、宋民國、宋萬歲
姓名：宋大韓、宋民國、宋萬歲
年齡：4歲
父母：宋一國
殺手鐧：韓國炙手可熱嘅三胞胎，雖然個樣一模一樣，但性格偏偏係南轅北轍，大哥大韓相當為食，二哥民國鍾意撒嬌，而弟弟萬歲好調皮，三胞胎一齊出招問你點頂？
13.秋小愛
姓名：秋小愛
年齡：5歲
父母：秋成勳
殺手鐧：秋小愛曾演出韓國綜藝節目《超人回來了》，憑住一頭可愛齊蔭短髮，同埋萌爆舉動贏得觀眾嘅歡心，就連韓國男星G-Dragon都話畀她迷倒。
14.黃新
姓名：黃新（小四月）
年齡：6歲
父母：趙薇
殺手鐧：「小四月」眼大大似足媽咪，猶如迷你版趙薇，年紀輕輕的她畫功十足，連趙薇亦忍不住晒其大作。
15. 劉諾一
姓名： 劉諾一
年齡：6歲
父母：劉燁
殺手鐧：劉諾一擁有一副煞食混血靚樣，加上古靈精怪性格，其摯愛不是卡通或動漫人物，而是名著《西遊記》，更將書中對白背熟，相當搞笑！
16.醒醒
姓名：醒醒
年齡：11個月大
父母：章子怡、汪峰
殺手鐧：汪峰同舊愛葛薈婕嘅囡囡「小蘋果」生得清秀，而囡囡「醒醒」就行可愛路線，眼細細似足爸爸，加上肥嘟嘟嘅小手，萌爆一眾網友！
17.咘咘
姓名:咘咘
年齡：1歲3個月大
父母：賈靜雯、修杰楷
殺手鐧：擁十足戴咗「大眼Con」的水汪汪大眼睛加上肥肥面珠仔嘅咘咘，以招牌「呆萌」表情殺死唔少網友，標緻五官更完全遺傳晒媽咪賈靜雯嘅靚樣，簡直萌力滿分潛力十足！
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon