拍《幕後》收工唔肯走 鄧佩儀留片場偷師

20161214
東網電視
更多新聞短片
成班演員感情勁好。

無綫女藝人鄧佩儀(Gloria)憑贏得2013年國際中華小姐入行,早前拍劇機會不算多,最近她成功把握劇集《幕後玩家》中的男仔頭角色「錢嘉欣」,突圍而出,跟張繼聰的感情戲更深得網友喜愛,她直言很高興獲得觀眾認同,不少網友留言被她的喊戲感動落淚,實在是意想不到,她說:「第一次拍劇係兩年前《點金勝手》,當時我係新人,都覺得自己演得差,出街後有人話唔係好鍾意睇我演戲,之後我都睇化咗,順其自然,有機會就盡力演,因為我真係好鍾意演戲!好感激公司再畀《幕》劇呢個機會我!」爆勤力的Gloria拍《幕》劇時即使收工都不走人,會留低睇同事拍戲偷師,特別欣賞張繼聰、黃宗澤(Bosco)及蕭正楠的對手戲,她說:「呢次班底大家都好夾,拍劇呢四個月,係我入行以來最開心嘅四個月,我同阿聰、陸永最多對手戲,好多謝佢哋好肯教我!另外,上次套《點》劇演Bosco細妹,雖然今次得一場對手戲,但佢一直當我係真阿妹咁,好照顧我,台前幕後都好錫我!每日都被愛包圍,我真係好幸運!幸運到不得了。」