入紙結婚？阮民安望保持低調：唔想博出位

組合E-Kids成員阮民安（Tommy）被傳入紙結婚，他接受東網獨家訪問，記者表示恭喜他，他卻反問：「恭喜咩呀？」又對傳聞不置可否：「係同埋唔係，我都唔回應㗎啦，唔會承認，又唔會否認，因為關於呢啲嘢呢，我生平太多事情已經曝光得太多，我唔想話去到呢啲咁私人嘅嘢都要同大家交代。」

對婚訊不置可否

他表示知道東網記者在婚姻註冊處發現一名報稱「阮民安」、無業的男子跟名為張倚雯的女子的擬結婚通知書，他說：「如果係嘅，大家咪恭喜吓我囉，唔係嘅咪唔好影響到人，可能有好多個阮民安嘛，呢個世界！（出生日期同你一樣。）我就話留啲空間畀我啦，如果我要講嘅話，可能一早已經選擇公開去講。」

自認易被誤解

Tommy形容所有事都是開心事，但始終是私人事，又指大家一直對他有誤解，覺得他很高調、浮誇、嘩眾取寵，他說：「我覺得我呢種人殺傷力太強，太容易畀人放大每一個錯處或者動作，變咗大家成日都覺得我喺度博出位，其實我真係一個好少講私人嘢，或者攞自己啲嘢去宣傳嘅人。」

同女友有共識

提到年中他的母親離世，他指很多人都不知道，就連公司同事也不知道，因為他希望守住家人的事。問到若他不肯公開，女友是否會不開心？他避忌地說：「可能大家有大家嘅方向呢！或者個女仔都未必係一個咁在乎呢啲細節嘅人。會唔會好似唔係好尊重件事或者對方？總之就有共識啦，無論係唔係事實，我同我身邊嘅人都有共識去處理。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon