患創傷後遺症　王浩信曾萌自殺念頭

藝人王浩信之前接受東網獨家專訪，他坦言拍攝《致命復活》撞車後，患上創傷後遺症，一度諗過「不如下一秒死咗佢」，亦曾試過拍攝期間突然「驚恐來襲」，跑了出錄影廠，蹲在地上出不到聲，又對身邊人有恐懼。王浩信自爆曾於家中突然想企出露台玩命影相，幸最後控制住冇做到。問他有否看醫生？他謂：「有做身體檢查，但精神情緒方面就冇，因為我2012年都試過情緒低落睇醫生，所以識得處理，好在套劇拍完已經冇事。」

撞車後老婆眼濕濕

浩信坦言撞車後太太陳自瑤很擔心，他謂：「其實撞車後我好大領會，見佢入嚟探我，望住我呆咗、眼濕濕，佢以為我傻咗。（你復工後，老婆會否好擔心？）好擔心，佢每日都問使唔使做危險嘢。」

與郭晉安亦師亦友

說到今年台慶頒奬禮，浩信有份以《EU超時任務》提名視帝，他分析謂：「郭晉安嘅演戲水平高嘅程度攞視帝係實至名歸，我絕對覺得呢個亦師亦友嘅朋友係值得拎嘅！如果係提名，絕對係最強競爭對手。而『最受觀迎劇集歌曲』獎方面，最大勁敵係展鵬，佢唱歌好聽、人又靚仔，佢同定欣合唱首歌係最大競敵，因為佢有視后定欣加持。」

「服裝：Popcorn General Store」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon