劉麗萍認婚訊!58歲麥德羅想搞水底婚禮

20161217
東網電視
更多新聞短片
兩人最終走在一起!
現年58歲的80年代舞王麥德羅(Robert)與Big Echo創辦人劉麗萍(Apple)今日傳出婚訊,兩人已經先後結過婚,Apple經歷兩段婚姻,育有兩女一子,而麥德羅亦已離婚並有一子,兩人在年輕時曾拍拖四年,幾年前重遇後,一撻即着,據知婚期定在2018年。
對此東網記者聯絡上Apple,她承認婚訊,仲將婚禮全權交畀Robert計劃,因為佢鬼主意多多,Apple說:「係呀,大家好!依家同Robert喺馬來西亞,今朝一早收到好多whatsapp,祝福我哋,恭喜我哋,上次訪問時都唔知佢(Robert)突然間咁講㗎,平時佢就搞笑啲,激嬲我時先講㗎啫,買隻戒指呀向我求婚,同埋有時講笑,『我哋不如喺馬來西亞水底結婚啦!』因為佢好鬼鍾意潛水,我話『吓,我潛水唔得喎,你就話教練啫』,有時講下笑點樣結婚嗰啲咁囉,咁嗰日訪問佢突然間咁講,佢有好多鬼主意嘅,我諗等佢安排啦!我唔知呀!」
60歲大壽求婚
而麥德羅說透過WhatsApp說:「我喺馬來西亞表演緊,啱啱跑完步返嚟,見到WhatsApp好多朋友祝福我,話我就快結婚,唔…我多謝大家嘅祝福啦!我係有呢個準備,等我60歲大壽嗰日,仲有年幾,我就計劃向Apple求婚,到時我希望畀個驚喜佢嘅!唔急,唔通知佢住,到時大家就會收到㗎啦!到時會公布多謝你哋關心,我哋呢個月比較忙啲,我哋部戲又做緊宣傳。」
問到他和Apple何時復合?他說:「同Apple失散,分開都25年冇聯絡㗎啦,最近呢幾年撞番,好難得嘅機會,喺一個場合見到再聯絡番,我哋先復合,7、8年度啩。」
__________________________
想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon